D acu tettaga tussna?

D acu tettaga tussna? Ahat tessishil tudert n wemdan, neɣ d nettat i d tifrat n wuguren i d yettmaggar di tmeddurt-is n yal ass. Amek i ywata ad yečč, amek i ywata ad yels, neɣ ad yeddu seg ṣbeḥ alama d tameddit, yufa yewwi-yas-ed ad ifares(il va produire) kra n tɣawsa. Amdan yettra yal tikelt ad iwenneɛ tameddurt-is, annect-a yettbin-ed seg wasmi yebda yetturar. Am asmi nella d imecṭaḥ a d nemlil akw ɣer yiwen wennar anda netturar deg wegwni, di tessemhuyt n tegrest ad naf yal taṛemmuɛt n warrac d acu s wacu tturaren, tagi d tamsalt n tayri, yal wa d acu i s iɛeǧben ixeddem-it, llan wid i wumi fesus wallaɣ ttagan-ed tiɣawsiwin igerzen icebḥen, tiḥdayin ttrant tixxamin tilewssatin d ttnuḍin, arrac kra ttran tiberninin d labil, kra ttran amennuɣ s tiqqaṛ ɣef isekla neɣ di lqaɛa, kra ttran ad uraren amallaf, kra xeddmen-ed tikeṛyas d ikamyunen s ṛwadi n iqecci d uɣanim ayack-itent, kra ḥemmlen imdewaṛen d iceryulen, kra ttran ad qqimen ɣer yemɣaren akken ad sslen i wawal d tmucuha i d ttalsen ttran ad ɣren idlisen, kra ttran iccir, akka am imeqqranen tura d ayen akken ttran di temẓi i ttkemmilen di temɣer nnsen, yal wa d acu ira ixeddem-it alama d ayen ur yezmir ara! Di temẓi xeddment s ukellex di temɣer nnsen xeddment s tidett akken ara tenfeɛ tɣawsa bab-is, acku tussna deg umaḍal ur teqqim ara kan deg ukellex neɣ deg urar maca, tessemɣer azal n tɣawsiwin s-umata, ur teɛdil ara tkeṛṛust n wurar neɣ n ukellex d tin n tidett, takeṛṛust n tidett a d xedmeḍ yis ayen din n lecɣal si ṣbeḥ alama d tameddit, ad tefruḍ yis uguren-ik. D wa i d abrid yettawin ɣer tussna.