Tudert n temẓi
Nlull-ed ɣer ddunnit ur neẓṛi armi i d nufa iman nneɣ ɣef tmurt, akal idɣaɣen aman d isekla d yemɣan d iɣersiwen, nettejgugul di tɣawsiwin yiwet yiwet, nettnadi ad nissin yal taɣawsa n ugama, yella melmi nessefsad di tɣawsiwin ticki i tent nufa sehlent. Nettidir ass d yiḍ d iseggasen s-immal nettimɣur nettissin tettishil tudert tettibnin, mi nelluẓ nettaf acu ntett, mi neffud nettaf d acu nttes, mi neɛya ad nessenfu mi nenuddem ad neṭṭes yal ass akken!