Tidett mačči d awal kan
Llan di ddunnit wagaden ikeṛhen tidett neɣ "lḥeq" akken i das sawalen s teqbaylit, teddun s tḥila d wesqizzeb, tikli ɣef uεebbuḍ am izerman! Mi yeḥnunef ad yuɣal d lqaεa, i syen akkin mi d yufa iman-is ɣas di txibbuṭ a d yessuffeɣ tisuqas-is d wacciwen-is ɣer widen i t ibeεden d wagad iheddṛen tidett! Agad yessawalen tidett ur ttnadin ara amkan n sid nnsen, ur ttnadin ad kksen amkan i wmussnaw. Amedya nek s timad-iw asmi bdiɣ ttalmadeɣ deg ubrid n tmussni ayen din n yiberdan serseɣ amahil-iw ɣer tsudwin d tuddsiwin(yecban Agraw Adelsan Amaziɣ) maca di tazwara ur yelli kra warraz i d megreɣ, armi d acḥal d iseggasen syen i qelεeɣ arraz amezwaru, ar deqqal uɣaleɣ serḥeɣ di tamussni, maca aswir n Wegraw nniɣ "a t yessdum Ṛebbi", ur d-kkireɣ ara mgal neɣ ad naɣeɣ, a s iniɣ "fket-iyi arraz s yiɣil, neɣ nek d amussnaw", yili mazal ur wwiḍeɣ. Iwata i wemdan ad yamen s tidett! Tidett mačči d awal kan. Llan akka wid ikeṛhen tidett ssεan ttnaẓiẓ ad yetter taɣawsa yewwi-d ad tt yawi ɣas s yiɣil ɣas ur s twata, netta yili ɣas ad tt yawi ur yeggar ara ameckaḍ ɣer zdat, akken qqaren "ḥanun zanun", yezmer kan as yekkes ammur-is i wmussnaw iwatan win ara d yeglun s tirrect i tmetti d tɣerma tamaziɣt deg umedya. Maca tura teqleb idettawen uɣalen d akwesar, nessarem yiwwas a d tali tmussni d tidett am zzit nnig waman!
Am akken i das yenna umedyaz deg wawal-is "ay aḥnin isedhaṛen lḥaq, fiḥel ma nenṭeq, amcum a t id yas wass-is".