20 avril 2020
Iberdan yal wa d anda yettawi
Sin iberdan
Di tillawt llan kan sin iberdan Cceṛ iban lxiṛ iban Yal wa ijebbed ɣer tama-s Ṛebbi ur yeɣliḍ amdan Yefka-yas-ed s lmizan Allen iḍaṛṛen ifassen Laɛqel ma yega-yas afriwen As yettalas Acku iḥudd-as tillas I syen ɣer zdat Nekwni akw d ayla-s Yif-it ma nḍuɛ-as Wala urar n tiddas D netta i ɣ d ixelqen Win-a yumnen s tkerkas Izmer-as Ddaɛwessu ma yura-tt fellas Ad yaf ayla-s I syen ɣer zdat si Ṛebbi Ur yettaṭaf ara aɛekwaz Mačči d amaddaz Mačči d argaz A t walin medden as rewlen Wina yellan d ameyyaz Iḥulfa-s Yif xiṛ tiyita n yiwwas Wala tin useggas Inddeṛ-it yuɣal s abrid iweqmen Ma yumen yella yiwen i t iḥekmen Ad iṣeggem ma yecceḍ D netta i yega d aɛessas Win-a yumnen s wergaz Icehhed s uɛekkaz Ma yenɣeṛa Ṛebbi yeẓṛat Ur yxfi wara fellas Yettak-as lmedd aṭas Alama yɛedda tillas Yekkat anda ur yettaweḍ Assen ma t iqqas A d tbin tyita-s Ad cfun medden fellas D tamessirt ard a tt ɣren
Sɣur Amar Tafat
Taqsiṭ-a tettwaɣer-ed di ṛadyu tis snat di tedwilt n Gerruj Rabaḥ sɣur Amar Tafat deg useggas 1990
Publicité
Publicité
Commentaires