Tussna amek nteddu yides

Amassan yezwar di tallit n wass-a iwaɛṛen, nekwni neḍfeṛ-it s-umata s tumert d teḍṣa, nettaga akken yettaga, nettaṛkaḍ anda yettaṛkaḍ, netta yuɣ abrid yewsaɛ di tazwara maca, s-immal nteddu yides yettidyiq, yeqqaṛ-ed : " eddut-ed yidi kan ur ttagwadut ad nawḍet du leqṛaṛ ɣer tifrat". Amassan yezreε degneɣ asirem s tektiwin d tɣawsiwin s-umata i ɣ d yettak.

Nekwni daɣen si tama nneɣ nebda nettaɣ awal-is nteddu yides am tili-s! Amassan yessen ad yefru tillufa d temsal, yessen ad yeg aṭas n tɣawsiwin ar inefɛen amdan akka yakw i ttmeyizen medden d aymi ḍemɛen degs yal tifrat, netta  yefka-yas Ṛebbi tazmert meqwṛen  d amassan, netta seg wasmi i d yekker d anebbeg di tussna iḍ d wass! Amassan si twacult n imussnawen d imassanen, imarrawen-is akken.., tussna teger imɣi d ujeǧǧig d zerriεa tessɛa iẓuṛan si melmi i tebda, d igiman n iseggasen neɣ maḍi d ifḍen! Nekwni necɣel d weɣrum s-umata maca m'ara d tas tegwnitt iserfen ikersen d amussnaw d umassan i nettaf acku,  nettwekkil-iten ssɛan aswir  - nezmer a d rnu tamussni ɣer wennar acku, tamussni d nettat i d tayemmatt n tussna, tamussni tezwar am useklu tefka-d ifurkan d tewṛiqin d uɛeqqa - ihi amassan yessen ad yefsi tiyersiwin s tektiwin-is d tɣawsiwin-is, artg...

         Yurat-wid Amar Tafat