Amek tettṛuḥu ddunnit

Ddunnit s rezgg tettnerna
Tettenɣal tettačaṛ-ed am tala
Akka si zman ɣer zman
Mehlen yakw di yal timura
Yal wa d acu yuṣka
Anwa i d yecfan i ṛuman
Ticki ara tekker tegrawla
Ad tejlu yal taɣawsa
Ala awal i d yettɣiman

---

Tidett ulac i tt yugaren
Yal taɣawsa ad tebnu fellas
 Tidett tḥemmel win i tt iḥemmlen
 Fellas tezga d aɛessas
 Ṛebbi d nettat i yessbedd
 Awal-is d afilali mačči d aɣerwas
 Lǧehdd-is ɣer win i t yessnen
 Yettawi-d tazmert yettṛuẓen tikerkas

---

                A. Tafat