Taqbaylit

Argaz di teqbaylit

Zik di teqbaylit alebɛeḍ mi ara t id jebden  d imḍebber neɣ ad t ssalin d amussnaw, ad tafeḍ argaz nni yessɛa dɣa tiɣariwin(les qualités) i ywatan i wsentel nni. Amussnaw di teqbaylit “ Argaz” ladɣa i s qqaren mačči akken nniḍen, awal n umussnaw yennulfa-d ɣer wagaden yettarun yecban dda Lmulud n Mɛemri d wiyaḍ. Ihi, argaz send yal taɣawsa ad yili xeṛṣum yeḥkem deg wexxam-is, medden ad ssikiden ɣer wexxam-is d warraw-is, netta si tama-s  iwata a d yefk tugna yessɛan azal.  Tis snat, yewwi-d fellas ad yissin taqbaylit, anda yebɣa ilmed-itt-id ɣur lecyax neɣ ɣur imussnawen di leswaq, ur yelli d asgerweḥ kan! Taqbaylit d yiwen webrid yessuffuɣen maca, tessɛa aṣaduf(lqanun) iwata akken argaz ad t iqaddeṛ. Ma yella amdan yessgerwiḥ kan, iserreḥ-as d akwessar, ixeddem akken i s yehwa s tlelli war tillas, annect nni di teqbaylit d taxeṣṣaṛt, iban amek ara t ḥesben medden, ad rewlen fellas neɣ ur t ttqeṛṛiben, ur t id jebbden ɣer wennar acku, ulac win ar’ iɛemden tirɣi! Ihi taqbaylit ulac ayen i tt yecban, awfan ad nili neɣra yerna ad nissin taqbaylit nni n tjaddit.