Tasrit d usefru
Lmed tutlayt-ik ay amaziɣ ur tt ttaǧa di tama ad ttḍiε, rfed-itt am akken refden reẓq di lqaεa ssiweḍ-itt s tigzi d tmussni ɣer wallaɣ-ik.
Tamedyazt d awal yettwaṣkan yettwasuddsen yettwaleqmen s izamulen
Yal wa yettnadi nnfeɛ-is d aya
ur yessikid ɣer tidett yellan
aṣuṛddi yezwar yal saɛa
d tiyelwin uḥṛicen i d heggan
tamussni zeddigen am wedfel tekfa
anda teddiḍ imdanen msawan
anwa ara d yinin tidett deg umaḍal?
anwa ara d yfken izerfan i wemdan?
Llan kra n yemcumen ttagan tiqsiḍin ur nelhi ttḍuṛunt yissent irgazen lɛali d imussnawen ttawin-ed iɣuruten ttaɛmaṛen yissen tagwnitt ttqeṛiɛen yissen talwit d tmussni akken ad tegmu di tmetti ɣilen ulac win i t id iwalan melmi weqɛen deg ucangal ad yelli uqemmuc nnsen di teḍṣa...
Amdan yessɛan tarmit d win i d amussnaw n tidett maca, ma yella d win icefun, ma yesseklas iberdan n tifrat n tlufa yefran ama sɣures netta, neɣ ama d tigad yefran sɣur kra n imussnawen yettwali zdates, neɣ deg unadi-ines s-umata... Amdan diɣen ur iwata ad yeqqim kan deg yiwen umekkan di tmetti acku, ula d aman mi ḥebsen ad xeṣṛen di tɣaṛa nnsen, amdan yewwi-d ad yessikel akken ad yissin, ad t wten wuguren, ad yeɣli ad yekker alama yedɛen, yal taɣawsa ad tt yissin ad s tishil tudert.