Amennuɣ d waṭan

Ayen akk nettwali seg wasmi yebda usekref deg yixxamen ɣef waṭan n coronavirus yessers-ed anezgum ameqqran ɣef yemdanen, tamezwarut medden uɣen tanumi d umerreḥ d wuraren d temliliyin, tis snat aṭan ddwa-ines d aneḥbus deg wexxam d usebεed ɣef yemdanen. Timsal akk yerzan timliliyin d useqreb ger wemdan d wemdan uɣalent ttwagedlent sɣur aṣaduf n uwanek. Netta abrid iban, iswi n uneḥbus deg wexxam d abrid n tifrat n waṭan n cuṛunabirus, mačči di tmurt nneɣ i d yennulfa maca, d yiwen yizen i d fkan imassanen terza temsalt n tujjya deg umaḍal, yewwi-d fellaɣ akken ad naɣ awal n yimassanen akken ad nerbeḥ a t naf. Ihi ulayɣer ad nqeleq ɣef uneḥbus deg wexxam acku, d yiwen webrid i yzemmren ad iqeṛṛeε fellaɣ ihwah n waṭan-a iwaɛṛen ineṭḍen la yettsersiren yettferfiren ṣbeḥ tameddit, iwata akken ad nerzu tarrayt tamaynutt, ad nessuddes iman nneɣ s webrid n tmussni, ad naɣ tannumi ad nettɣima deg wexxam, ad nessenɣes axaleḍ deg yemdanen, ad nessirid s waṭas, ad neg ahil deg wexxam i cɣel d ukunikti d waddal d tira, d tɣuri s waṭas, kra kra alama nuɣ tannumi, aṭan ad yuɣal ad iεeddi.