Timenna n imezwura: Ccix Muḥend

 💥Awal n imezwura s wazal-is 

Ccix Muḥend u Lḥusin d yiwen n umussnaw ameqqran n tmurt n leqbayel di tallit n uṛumi afṛensis yedder d amedyaz d amussnaw ameqqran iṣeggmen tametti taqbaylit, yettak tiktiwin i medden, yesselmad di medden lɣaci rezzun ɣures s waṭas, ttasen-ed ɣures s webɛad, netta hat deg at Ḥmed(di taqqa n at Yeḥya), ttasen-ed ɣures si yal tama n tmurt n leqbayel, suturen segs cweṛ d lbaṛaka. Yedder netta d yismawen yecban si Muḥend u Mḥend d Ccix Aḥeddad, ladɣa Ccix Muḥend yemmut deg wazemz 1906.  Lmulud Mɛemri yura fellas adlis d azuran yettawi isem "yenna-yas Ccix Muḥend", ladɣa tegwti n isefra yellan deg usebtar-a kkan-ed deg wedlis agi.

 Yenna Ccix Muḥend:

"Ɛuhdeɣ Ṛebbi ur yekkis lḥif alama kkren-d yergazen at nnif"

Win yessnen yettcawaṛ d cci
Win yessnen ur yettcawaṛ d nefṣ n cci
Win ur nessin ur yettcawaṛ d ulac-i

---

 Syadi at ahel lfuttuḥ

tisura deg fassen nnwen

ṣuṛa-w ddima la tettduḥ

lehduṛ la ttzaden ur neqqsen

ayen yuran yura deg lluḥ

d lameṛ-is ara yṣiṛen. Ccix Muḥend